लेखक : उन्मेष गुजराथी
14 Jan, 2023
![14_JAN_2023_SPROUTS__STORY_PG1](https://moneynews1.com/wp-content/uploads/2023/01/14_JAN_2023_SPROUTS__STORY_PG1-scaled.jpg)
कर्नाटक निवडणुकीसाठी शिंदेंना निधीचे टार्गेट
उन्मेष गुजराथी
स्प्राऊट्स Exclusive
महाराष्ट्राचे मुख्यमंत्री एकनाथ शिंदे हे उपमुख्यमंत्री देवेंद्र फडणवीस यांच्यासमवेत दिल्ली येथे पंतप्रधान नरेंद्र मोदी यांच्या भेटीसाठी गेले होते. मोदी यांनी या दोघांना भाजपचे नेते व गृहमंत्री अमित शहा यांना भेटायला सांगितले. या बैठकीत शहा यांनी नुकत्याच होणाऱ्या कर्नाटक निवडणुकीसंदर्भात चर्चा केली.
शिंदे हे महाराष्ट्राचे मुख्यमंत्री झाल्यापासून देशभरात आतापर्यंत तीन निवडणुका झाल्या. या तिन्ही निवडणुकींमध्ये भाजपच्या प्रचारासाठी शिंदे यांनी अद्याप एक दमडीचाही पक्षनिधी दिलेला नाही, याबाबत शहा यांनी तीव्र शब्दांत नाराजी व्यक्त केली. यापुढील कर्नाटक येथे होणाऱ्या विधानसभा निवडणुकीसाठीसाठी त्यांनी त्वरित पक्षनिधी गोळा करण्याचे आदेशही दिले आहेत, अशी खात्रीलायक माहिती ‘स्प्राऊट्स’च्या हाती मिळालेली आहे.
भाजपच्या केंद्रीय नेतृत्वाने देवेंद्र फडणवीस यांच्यासारख्या मातब्बर नेत्याला डावलून शिंदे यांना मुख्यमंत्री केले आहे, यामागे पक्षाला पहिल्यापेक्षा अधिक निधीची अपेक्षा आहे, हेही एक महत्वाचे कारण आहे. त्यामुळे शिंदे यांच्याकडून भाजपच्या वरिष्ठांना मोठ्या अपेक्षा आहेत.
या अपेक्षा पूर्ण करण्यासाठी शिंदे यांनी हा आदेश शिरसावंद्य मानलेला आहे व त्याची जोरदार तयारी सुरू केलेली आहे. त्यासाठी मोठ्या प्रमाणावर कंत्राटे वाटण्याची तयारी सुरु केलेली आहे. त्यानुसार विकासकामांचा धडाका सुरु होणार आहे व महाराष्ट्राच्या पैशावरच महाराष्ट्राचा द्वेष करणाऱ्या कर्नाटकची ही निवडणूक लढवली जाणार आहे.
भारतात होणाऱ्या निवडणुकीसाठी प्रत्येक राज्यातून विविध पक्षातील प्रमुख नेत्यांना पक्षनिधीचे टार्गेट दिले जाते. महाराष्ट्रात काँग्रेस सत्तेवर असताना विलासराव देशमुख यांच्यावर ही जबाबदारी असे. त्यानंतर २०१४ उजाडले व देवेंद्र फडणवीस मुख्यमंत्री झाले, साहजिकच त्याकाळात भाजपासाठी त्यांनी ही जबाबदारी पार पाडली होती.
अमित शहा हे फडणवीस यांना आगामी काळात पंतप्रधान पदाचे स्पर्धक मानत आहेत. त्यामुळे त्यांनी फडणवीस यांच्या नेतृत्वाला शह देण्यासाठी एकनाथ शिंदे यांना पुढे आणले. शिंदे यांनीही मुख्यमंत्रीपदाचे हे आव्हान स्वीकारले आहे, मात्र त्यांना सतत फडणवीस यांच्या नाराजीचा सामना करावा लागत आहे. फडणवीस यांनीही अंतर्गत राजकारण खेळून शिंदे व त्यांच्या सहकाऱ्यांना पुरते जेरीस आणले आहे. त्यातच अमित शहा यांनी दिलेल्या या नव्या आव्हानामुळे शिंदे यांची पुरती झोप उडालेली आहे, अशी खात्रीलायक माहिती ‘स्प्राऊट्स’ला मिळालेली आहे.
![mnp-ads](http://moneynews1.com/wp-content/uploads/2022/05/mnp-ads.png)
![mnp-ads2](http://moneynews1.com/wp-content/uploads/2022/05/mnp-ads2.png)
संबंधित लेख व घडामोडी
पुण्यातील आगामी ‘अजय-अतुल लाईव्ह’ कॉन्सर्ट स्थगित
उन्मेष गुजराथी स्प्राऊट्स Exclusive पुण्यात दि.५ मे रोजी आयोजित करण्यात आलेली 'अजय-अतुल लाईव्ह' कॉन्सर्ट स्थगित करण्यात आली असून 'आमच्या प्रस्तावित निदर्शनांमुळे शो स्थगित झाला आहे' असा दावा एड.राधिका कुलकर्णी यांनी केला आहे.यासंदर्भात त्यांनी...
Actor Sahil Khan arrested in Mahadev betting app case
Unmesh GujarathiSprouts Exclusive Mumbai: The Mumbai Police has arrested actor Sahil Khan for his alleged involvement in the Mahadev betting app case. Sahil Khan was arrested in Chhattisgarh by the Special Investigating Team (SIT) of Mumbai Police Cyber Cell...
Ban on MDH, Everest masala | India seeks details from food regulators of Singapore, Hong Kong
Unmesh GujarathiSprouts Exclusive India, the world's largest producer, consumer and exporter of spices, has sought details from food safety regulators of Singapore and Hong Kong, which has banned certain spices of Indian brands MDH and Everest due to quality...
अर्थकारणाला वाहिलेलं ह्या पोर्टलवरून अर्थविश्वातील प्रत्येक क्षणाची घडामोड जाणून घेण्यासाठी
आमची समाजमाध्यमं
Sed ut perspiciatis unde omnis iste natus error sit voluptatem accusantium doloremque